Жорий йилнинг 25 июль куни жамият марказий биносида жамиятда меҳнат фаолиятини олиб бораётган ишчи-ходимлар иштирокида “Алоқа каналлари орқали келиб тушган хабарларни қабул қилиш ва қайта ишлаш Регламентининг талаблари бўйича
Жорий йилнинг 25 июль куни жамият марказий биносида жамиятда меҳнат фаолиятини олиб бораётган ишчи-ходимлар иштирокида “Алоқа каналлари орқали келиб тушган хабарларни қабул қилиш ва қайта ишлаш Регламентининг талаблари ва унинг самардорлигини таъминлаш чоралари” мавзусида ўқув-семинар ташкил этилди. Ташкил этилган ўқув-семинарда директор ўринбосарлари, бўлим бошлиқлари, жамият қарашли ФЁТШларнинг катта операторлари ва ишчи-ходимлар иштирок этдилар.
Тадбирда жамият бош ҳисобчи ўринбосари А.Раджапов мавзусида маъруза қилди. Семинар-йиғилишда бош ҳисобчи ўринбосари А.Раджапов ўз маърузасида жамиятда ишчи-ходимларнинг ва жамоатчиликнинг фикрини ўрганиш борасида алоқа каналлари жорий этилганлиги, улар замонавий платформалар, яъни ижтимоий тармоқлардаги расмий каналлар билан биргаликда “ишонч” телефонлари орқали ҳам мурожаатларни ўрганиш механизми йўлга қўйилганлиги, жамиятда коррупцияни олдини олишга йўналтирилган баннерлар ўрнатилганлиги, ишчи-ходимлар фойдаланиши учун брошюралар чоп этилиб тарқатилганлиги, алоқа каналларидан эркин фойдаланилиши ҳам ўзининг ижобий самарасини бераётганлиги, жамиятда алоқа каналларидан келадиган хабарларни қабул қилиш ва таҳлил қилиш Тартиби жамиятда қабул қилинган, асосий тушунчаларни изоҳлайдиган, хабарларни қабул қилиш, таҳлил қилиш, кўриб чиқиш, уларда айтилган маълумот юзасидан чора кўриш, атайин ёлғон ва тухмат хабар жўнатганлик учун жавоб бериш тартибини белгилайдиган ҳамда мурожаатларни қабул қилиш, ишлаш ва кўриб чиқиш тартибини Ўзбекистон Республикасининг “Жисмоний ва юридик шахсларнинг мурожаатлари тўғрисидаги” 445-сонли Қонуни талабларига мослаштирадиган ички меъёрий ҳужжат ҳисобланиши ҳамда бошқа ўқув-семинар мавзусига тегишли бошқа маълумотлар тўғрисида гапириб ўтди.
Семинар якунида иштирокчилар ўзларини қизиқтирган саволларга жавоб олдилар.
